Bilaketa aurreratua

Ogi apurrak

Egungo Euskararen Hiztegia (EEH)

Hasiera:

salbazio (364 agerraldi, 62 liburu eta 114 artikulutan; orobat salbazione g.er.) 1 iz arrisku larri batetik onik ateratzea edo ateraraztea; hondamenetik begiratzea. ik salbamen; salbamendu.

Artea da ankerkeriaren aurkako salbazio bakarra. Berria - Kultura   2004-08-10

Une berean, herriaren salbazio hori bera da printzeei aberastasunen bidea erakusten diena. Esteban Antxustegi   «Herritarra» - Thomas Hobbes - 163. orr.

Salbazio pribatuaren gisako zerbait lortu nahian zabiltza? Oskar Arana   «Lotsaizuna» - John Maxwell Coetzee - 148. orr.

Hura bihurtzen zaio bigarren salbazio, bere gaztaro berrituko emaztegai. Oskar Arana   «Lotsaizuna» - John Maxwell Coetzee - 115. orr.

Ez zegoen salbaziorik errebolber kargatuaren aurrean. Anton Garikano   «Bederatzietatik bederatzietara» - Leo Perutz - 199. orr.

Begiak itxi eta salto egitea, idaztea bera da salbazioa. Ana Urkiza   «Zortzi unibertso, zortzi idazle» - 371. orr.

Sinestea Euskal Estatua lortzea dela gure azken salbazioa, beste guztia makurtu behar zaion kausa. Joseba Zulaika   «ETAren hautsa» - 49. orr.

Ortega-rentzat ere arazoa Espainiaren arimaren salbazioa da; bere kasuan, arima hori europartzea. Joxe Azurmendi   «Espainiaren arimaz» - 149. orr.

Arrateren porrot batek salbazioa emango lieke lortzen duten emaitza lortzen dutela. Berria - Kirola   2004-05-21

Bidasoak, Barakaldok eta Arratek, aldiz, ez dute oraindik salbazioa ziurtatu. Berria - Kirola   2004-04-22

Izan ere, salbaziotik puntu bira dago talde zuri-gorria. Berria - Kirola   2006-01-22

2 erlijioak sinestunei ematen dien ongi nagusia, zeruratzea.

Bera arimen salbazioaren zaletasunaz barruraino betea zegoen. arima Jainkoarekin bat egitea eta betiko salbazioa aldarrikatzen zuten bizitzaren helburu bakar. Askoren artean   «Asisko Frantzizko, Asisko Klara» - 376. orr.

Jaun gurutziltzatuarekin batera, salbatzekoak ziren guztien salbazioaren egarri zen. Askoren artean   «Asisko Frantzizko, Asisko Klara» - 902. orr.

Krisiak indartu bide ditu zientziok, itolarritik salbazio bila. Joxe Azurmendi   «Euskal Herria krisian» - 38. orr.

3 (hitz elkartuetan lehen osagai gisa)

Bazetorren Salbazio Armadako musika-banda, distiratsu, itsas urdin. Lopez de Arana   «Manhattan Transfer» - John Dos Passos - 207. orr.

Booth jeneralaren "Salbazio Armadak". Iñaki Mendiguren   «Historiaren azterketa II» - A.J. Toynbee - 83. orr.

Izenak erroak bota zituen, eta salbazio-programa izen horrekin gelditu zen azkenean: Pandora. Fernando Morillo   «Gloria Mundi» - 205. orr.

Arteak, beraz, salbazio indarra hartuko du. Berria - Kultura   2004-12-11

Esan senarrari Jainkoaren eta nire izenean, orain dela salbazio-garaia, gero justiziarena izango baita. Askoren artean   «Asisko Frantzizko, Asisko Klara» - 304. orr.

Bazuten salbazio-ikur bat ere, legearen agindua oroitarazten ziena. Elizen arteko biblia   Jkd 16,6

Guztiei ematen zien bizi-araua, eta bakoitzari bere bizi-egoeraren arabera erakusten zion salbazio-bidea. Askoren artean   «Asisko Frantzizko, Asisko Klara» - 206. orr.

Katolikotasun hau enperadorearen helburu bakarrak eragina zen, hots, bere jendeari ezagutaraztea Asokaren maisuak, Gautamak, gizadiari errebelatutako salbazio-bidea. Iñaki Mendiguren   «Historiaren azterketa II» - A.J. Toynbee - 63. orr.

Ez dago beste salbazio-biderik... Fernando Rey   «Ararat mendiaren sumina» - Yasar Kemal - 126. orr.

4 (hitz elkartuetan bigarren osagai gisa)

Gizakiaren gizarte-salbazioa ideal nagusi hori errealitatera aldatzeko. Iñaki Mendiguren   «Historiaren azterketa II» - A.J. Toynbee - 391. orr.

 



Nodoa: liferay1.lgp.ehu.eus