Bilaketa aurreratua

Ogi apurrak

Egungo Euskararen Hiztegia (EEH)

Hasiera:

sable1 (orobat sabre g.er.) 1 iz arma zuria, ezpataren antzekoa, zerbait makotua eta gehienetan aho-bakarra.

Zaldi gainean sartu herrietan, txapela begietan, gerrian sablea, kanpaiak elizan jo eta jo ari diren artean. Koro Navarro   «Zalakain abenturazalea» - Pio Baroja - 92. orr.

Mezatik irtendakoan, soldaduen modura lerrokaturik, soldaduen modura jantzirik, uniforme dotore eta garbitu berriekin, sablea eta dominak agerian, martxa militarrak jotzen zituen orkestra baten atzetik ibiltzen ziren karrikaz karrika, oin pausu neurtua eramanez. Felipe Juaristi   «Airezko emakumeak» - 271. orr.

Oldar horretan eskua sablearen kirtenean nuela jiratu nintzen. Josu Zabaleta   «Fantasiazko ipuinak» - Guy de Maupassant - 168. orr.

Husar musikazale batek sableaz moztu omen zion besoa, Gandolfok La Marseillaise jotzean, desafinatu egin zuelako. Felipe Juaristi   «Itzarri nahi ez zuen printzesa» - 36. orr.

Halako batean hire aitonak Varelaren sablea hartu zian paretatik eta bere indar guztiaz eztarritik sartu zioan piztia hari. Jon Muñoz   «Ispiluen gainean lotan» - Jordi Sierra i Fabra - 90. orr.

Aitoren seme eta handizki gaizkileei nobleziaren ikur zen sableaz jota lepo egiten zieten. Felipe Juaristi   «Airezko emakumeak» - 170. orr.

XV. mendetik XIX. mendera arteko ezpatak, sableak eta ezpata txikiak eramango dituzte ondare zentrora. Berria - Kultura   2006-04-11

2 (izenondo eta izenlagunekin)

Baina, aldi honetan, Alcide Jolivetek ez zuen ikusi sable biluzia borreroaren eskuan. Karlos Zabala   «Mikel Strogoff» - Jules Verne - 319. orr.

Eskularru zuriak zituen, sable distiratsua eta larruzko pistola-zorro lustratua, oinazturaren pareko begi urdin biziak, izotzez eta harrokeriaz beteak. Matías Múgica   «Hiltzaile baten aitormena» - Joseph Roth - 75. orr.

Bota altuak, Errusiako larruaz eginak, eta sable laburra eta ganibeta gerrikoan, uhal batetik zintzilik. Karlos Zabala   «Mikel Strogoff» - Jules Verne - 306. orr.

Xafla zabaleko sable kako bat eskuan, arma zuri damaskinatu horietako bat. Karlos Zabala   «Mikel Strogoff» - Jules Verne - 317. orr.

Elurra eta hotza, etsaien sable okerra baino zaurigarriagoa zen haizea eta hotza. Felipe Juaristi   «Airezko emakumeak» - 177. orr.

Emirraren zaindari bereziak zebiltzan batetik bestera, sable bikoitz gakotua aldean, labana gerrikoan, hamar oineko lantza eskuan. Karlos Zabala   «Mikel Strogoff» - Jules Verne - 305. orr.

Zalditeriako sable bat zeraman gerrian zintzilik, eta gider laburreko zartailu bat eskuan. Karlos Zabala   «Mikel Strogoff» - Jules Verne - 181. orr.

Urrezko eta zilarrezko sare-kota soinean; sable kakotua, jataganaren antzekoa, harri biziz jositako galtzarbe-uhal liluragarri batetik zintzilik. Karlos Zabala   «Mikel Strogoff» - Jules Verne - 270. orr.

Mamarro bibotedun bat zeukan aurrean, izugarri, tente, zaldi-buztan bat buruan, hede bat sorbalda batean, beste hede bat bestean eta sable ikaragarri bat gerriaren alde batean zintzilik. Jose Morales   «Arima hilak» - Nikolai Gogol - 519. orr.

3 (hitz elkartuetan)

Ezertarako ez zion balio izan barbaro haien aurrean, lantza edo sable ukaldiz baino ez baitzekiten erantzuten. Karlos Zabala   «Mikel Strogoff» - Jules Verne - 261. orr.

Gaur sable-ukaldi latzak emango dira; gehiegi zuretzat, bizarguri hori! -esan zidan norbaitek. Jon Alonso   «Euskal karma» - 94. orr.

Sable-kolpe batez burua gorputzetik bereiz daiteke. Imanol Unzurrunzaga   «Hainbat idazlan» - San Agustin - 305. orr.

Sable diziplinako lehen torneoa jokatuko da bihar Donostian. Berria - Kirola   2004-11-06

20 urtez azpiko Lehen Sable torneoa jokatuko da bihar, Donostiako Antigua auzoko Pio Baroja kiroldegian. Berria - Kirola   2004-11-06

Sable hotsa, eztarri urratuen burrundara airez kordokatuak eta urduritasuna ziren nagusi. Harkaitz Cano   «Neguko zirkua» - 97. orr.

Botere faktikoak zeuden, sable hotsak aipatzen ziren. Berria - Euskal Herria   2004-10-22

Sable-horztun tigre eme alaena! Mirentxu Larrañaga   «Hona hemen gu biok» - Dorothy Parker - 108. orr.

 



Nodoa: liferay1.lgp.ehu.eus