Bilaketa aurreratua

Ogi apurrak

Egungo Euskararen Hiztegia (EEH)

Hasiera:

oilasko (orobat oilaxko g.er.) 1 iz oilar gaztea.

Jendeak, kontzientzia hartuta, oilasko, urde, txekor eta gainerakoei eman zaien tratua gaitzetsi eta galaraziko du. Edorta Agirre   «Baietz okerreko bidea aukeratu! » - 85. orr.

Han oilaskoak eta indioilarrak zeuden eta sekulako otorduak zerbitzatzen zituzten. Fernando Rey   «Gure etxeko kontuak» - Natalia Ginzburg - 65. orr.

Arrautza luzangak oilaskoa dakar; arrautza potoloagoak, oilanda. Pello Zabala   «Naturaren mintzoa» - 103. orr.

Beltz zahar-zahar bat bere etxeko patiora irteten duk eta oilaskoei artoa botatzen hasten duk. Xabier Paya   «Desio izeneko tranbia» - Tennessee Williams - 83. orr.

Baditut oilasko gizen ederrak.... Karlos Zabala   «Parisen sabela» - Emile Zola - 100. orr.

Lepoa moztu dioten oilaskoaren gorputzak korrika ibiltzeko gaitasuna du. Joxerra Garzia   «Egonean doazen geziak» - 36. orr.

Azeri bat harrapatuz gero oilasko eta arrautzak biltzen diren gisan. J.M. Olaizola "Txiliku"   «101 gau» - 57. orr.

Lehen baserritarrek pare bat oilasko emango zizkizuten azeriaren truke, eta buztana moztuko zioten apaingarri gisan. Pako Aristi   «Urregilearen orduak» - 169. orr.

Erizainak sardina zahar bat dirudi, asko jota lumarik gabeko oilasko biguna. Eider Rodriguez   «Eta handik gutxira gaur» - 53. orr.

2 (sukaldaritzan)

Bretoiak janaria dakar, urdaiazpikoa, patea, ahuntz-gazta, oilasko hotza. Felipe Juaristi   «Airezko emakumeak» - 162. orr.

Baina, zergatik jaten da etxe honetan beti oilasko egosia? Fernando Rey   «Gure etxeko kontuak» - Natalia Ginzburg - 149. orr.

Oilasko errea, ardoa ugari eta letxuga gutxi. Unai Iturriaga   «Berandu da gelditzeko» - 49. orr.

Gau hartan, txanpain botila eta oilasko errea erosi nituen, eta afari intimo bat egin nahi nuela esan nion. Juan Martin Elexpuru   «Esku bakarrarekin irakurtzeko kontuak» - Pilar Cristobal - 130. orr.

Ikusia zuen anaia adio egiten orga baten atzean, sakelan oilasko frijitua zuela, begietan malkoak. Anton Garikano   «Maitea» - Toni Morrison - 296. orr.

-Jaunari oilaskoa ehiztari erara. Monika Etxebarria   «Goragalea» - Jean Paul Sartre - 178. orr.

Jan genuen, egia, baina etxetik ekarri oilasko onetik! Daniel Landart   «Anaiaren azken hitza» - 86. orr.

3 irud/hed

Lumatu gabeko oilasko hasberri baldin baginen ikastetxe hartara gindoazenetako asko, gu bezain nobato, gu bezain ezjakin eta inozentea zen Periko ere. Xabier Mendiguren Elizegi   «Nerabearen biluzia» - 21. orr.

4 (hitz elkartuetan lehen osagai gisa)

Thailandiakoa zen oilasko haragi izoztua. Berria - Harian   2005-10-25

Etxera bidean harategian sartu zen, oilasko paparrak eta piper lata bat erostera. Unai Iturriaga   «Berandu da gelditzeko» - 68. orr.

Oilasko bularra plantxan eman dio eta erdia utzi du. Pako Aristi   «Note book» - 149. orr.

-Oilasko-otarteko bat eta kikara bat kafe. Lopez de Arana   «Manhattan Transfer» - John Dos Passos - 426. orr.

Ahoan zeukan oilasko pusketa amaitu murtxikatzen, irentsi eta ahoa ezpain-zapiaz garbitu ondoren. Joxemari Iturralde   «Euliak ez dira argazkietan azaltzen» - 149. orr.

Ontzian oilasko-puskak zeuden, eta katiluetan, kafesne beroa. Inazio Mujika Iraola   «Gerezi Denbora» - 83. orr.

Gero tea hartuko zuten, eta bina sandwich-triangelu jango zituzten, bezpera gauean geratutako oilasko-hondar xehatuz eginak. Mirentxu Larrañaga   «Hona hemen gu biok» - Dorothy Parker - 236. orr.

Eusko Label zigilua duten oilasko produktuen etiketak. Berria - Gaiak   2006-02-19

Oilasko-etxe, pizzategi eta gosea kentzeko balio bai baina gustura nekez dasta daitekeen jakia ematen duten establezimendu ireki berriak. Edorta Agirre   «Baietz okerreko bidea aukeratu! » - 122. orr.

Arriskutsua dela zakurrei oilasko hezurrak ematea. Gotzon Garate   «Zakurra, zeure laguna» - 37. orr.

Katu-haragiak ez du parekorik ibai-karramarroak harrapatzeko, ez oilasko-tripak, ezta hiltegiko hondakinak ere. Itziar Otegi   «Axenario» - Jules Renard - 105. orr.

Chicken Dinner: oilasko-afaria, hots, oilaskoa plater nagusitzat duen afaria. Lopez de Arana   «Manhattan Transfer» - John Dos Passos - 278. orr.

5 oilo loka ik oiloloka.
hitz multzoen maiztasunak (gutxienez 3 aldiz agertzen direnak)

oilasko biltzearen (3); oilasko erre (3); oilasko errea (9); oilasko gaixoa (3); oilasko haragi (3); oilasko hezurrak (3); oilasko kontsumoa (3)

oilaskoa jan (5)

oilaskoak hazten (3)

oilaskoen ebasten (3)

 



Nodoa: liferay1.lgp.ehu.eus