Bilaketa aurreratua

Ogi apurrak

Egungo Euskararen Hiztegia (EEH)

Hasiera:

sandalia 1 iz pl oinetako arina, zola batek eta honi eusteko hede batzuek osaturikoa, behatzak agerian uzten dituena.

Bazuen buruaren jiran urrezko xingola bat, burdinorizko sandaliak oinetan, eta artile eta ereinotzez txirikordaturiko girlandak zeuzkan lepotik. Juan Garzia   «Bizi alegiazkoak» - Marcel Schwob - 27. orr.

Bere neskatxa-oin mehe biluzietan sandaliak jantzita. Fernando Rey   «Gure etxeko kontuak» - Natalia Ginzburg - 251. orr.

Kale piko harriztatuan zurezko sandalien hotsa entzun zen. Patxi Zubizarreta   «Mirarien kalezuloa» - Nagib Mahfuz - 96. orr.

Une hartan, sandaliak lotzen ari zen zerrizaina. Juan Kruz Igerabide   «Ulises» - Homero - 99. orr.

Sandaliak, lepokoak, eskumuturretakoak, eraztunak eta belarritakoak ere jantzi zituen. Jose Antonio Mujika   «Agindutako lurraren bila II» - 149. orr.

Oinetan sandaliak eraman zitzatela, baina aldatzeko soinekorik ez. Elizen arteko biblia   Mk 6,9

Sandaliak erantziak zituen, oinen alboan baztertuak. Patxi Zubizarreta   «Mirarien kalezuloa» - Nagib Mahfuz - 19. orr.

Astegunetarako sandaliak eta igandeetarako tenisak erosi zituen. Bego Montorio   «Napomuceno da Silva Araujo jaunaren testamentua» - Germano Almeida - 91. orr.

Badator Darruitx xaharra, sandaliekin lurrean putinka... Patxi Zubizarreta   «Mirarien kalezuloa» - Nagib Mahfuz - 48. orr.

Oinak sandalietan barneratu, eta hitzik esan gabe utzi zuen kafe etxea. Patxi Zubizarreta   «Mirarien kalezuloa» - Nagib Mahfuz - 29. orr.

Abitu-mahukan ezten bat aurkitu zioten, sandalien zorua konpontzeko erabiltzen zuena. behatz gorri biluziak ageri zituela larruzko sandalia handi batzuen aurreko zulotik. Askoren artean   «Asisko Frantzizko, Asisko Klara» - 1051. orr.

2 (izenondo eta izenlagunekin)

Sandalia urdinak lokatzez zikindu zituen. oinetan sandalia gorriak, odola bera baino minagoak kolorez. Lander Garro   «Orain galdera berriak ditut» - 121. orr.

Gizonez mozorroturik agertu zen Atenea, oinetan sandalia hilezkor urreztatuak jantzirik. Juan Kruz Igerabide   «Ulises» - Homero - 12. orr.

Gona gorria jantzi zion Nereari, bakeroak eta larruzko sandaliak Sebasi. Eider Rodriguez   «Eta handik gutxira gaur» - 105. orr.

Jonathan haiengana bildu zen, malba koloreko indiar sari itxurako bat eta sokazko sandaliak jantzita. Jon Muñoz   «Loroaren teorema» - Denis Guedj - 33. orr.

Gomazko sandaliarik ezean aitak besoetan hartu ninduen arroketara igotzeko. Eider Rodriguez   «Eta handik gutxira gaur» - 55. orr.

Montmartre tankerako soineko grisa soinean, eta belusezko sandalia urdin argiak. Lander Garro   «Orain galdera berriak ditut» - 62. orr.

3 (hitz elkartuetan)

Oihalezko soineko bat, melaia maiztu zahar bat, eta sandalia zola gastatuak. Patxi Zubizarreta   «Mirarien kalezuloa» - Nagib Mahfuz - 61. orr.

Urrineztaturik zeuden haren sandalia-zolak. Juan Garzia   «Bizi alegiazkoak» - Marcel Schwob - 30. orr.

Egun batean emakume bat iritsi zen hondartzara eta jantzita zeukan guztia (sandalia pare bat) eranzten ari zela, kontsulak, bere onetik aterata, perdigoi zaparrada bat bota zion pertsona haren alderik nabarmenenera. Xabier Olarra   «Deabruaren hiztegia» - Ambroise Bierce - 267. orr.

Zoaz haren osaba Hasan sandalia egilearengana, Kurunfuxura, eta jakinaraz iezaiozu ilobaren heriotza. Patxi Zubizarreta   «Mirarien kalezuloa» - Nagib Mahfuz - 362. orr.

hitz multzoen maiztasunak (gutxienez 3 aldiz agertzen direnak)

sandalia pare bat (3)

sandaliak jantzita (3); sandaliak oinetan (3)

 



Nodoa: liferay1.lgp.ehu.eus