Mikrobiota gure osasunean

Gero eta lan gehiago argitaratzen ari dira gure gorputzeko mikrobiotaren eta osasunaren arteko erlazioak bilatzen eta aurkitzen dituztenak, bereziki hesteetako mikrobiotarekin.

Gehiago irakurtzeko

Antzinako B hepatitisa

Gaur egun mundu osoan 250 milioi pertsona B motako hepatitisak infektaturik bizi dira, eta urtero milaka hiltzen dira birus horrek eragindako gaixotasunengatik; zirrosia edo gibeleko minbizia, besteak beste. Orain gutxi, Nature aldizkarian, B Hepatitis birusaren inguruko azterketa bat argitaratu dute, baina ez gaur egungo birusaren inguruan, gure antzinako arbasoek pairatu zuten B hepatitis birusaren inguruan baizik.

Gehiago irakurtzeko

Giza mikrobiotaren inguruan

Gizakiaren gorputzean dauden zelula guztiak hartuko eta aztertuko bagenitu, giza zelula bakoitzeko 100 bakterio ditugula konturatuko ginateke. Gure gorputzean dugun mikroorganismo (bakterio nahiz onddo) komunitateari giza mikrobiotadeitzen zaio.

Gehiago irakurtzeko

Eta espezie guztiak sekuentziatuko bagenitu?

Giza genomaren sekuentziazio proiektua martxan jarri zenean, ikertzaileok beharrezkoa ikusi genuen, giza genoma ondo ulertzeko, beste espezie batzuen genomen sekuentziak ere egitea. Eta horrela egin zen, legamia, sagua, Drosofilaeulia, E. coli bakterioa eta beste organismo batzuk sekuentziatuz. Aukeratutako organismo horiek sekuentziatu ziren biologian animalia edo mikroorganismo horiek eredu moduan erabiltzen zirelako. Beraz, haien informazio genetikoak lagundu egingo zuen giza genomaren informazioa hobeto ulertzen. Ikuspegi hori erabat pragmatikoa zen.

Gehiago irakurtzeko

Mikrobiota eta osasuna

Badira urte batzuk mikrobiota hitza biologia alorrean modan jarri dela. Mikrobiota leku eta une zehatz batean dagoen mikroorganismoen komunitateari deritzo. Mikroorganismo horiek, nagusiki bakterioak, edonon aurki daitezke eta gure gorputzean hainbat lekutan daude, kanpoko azalean, ahoan, hesteetan eta abar.

Gehiago irakurtzeko

Emakume eta gizon garunak, desberdinak?

Aspaldidanik, zientziak gizonen eta emakumeen arteko desberdintasunen azterketan denbora asko eman du; ageriko desberdintasunez gain, garunean zentratu dira gizon-emakumeen arteko desberdintasunen ikerketak. Beti esan da gizonek eta emakumeek desberdin pentsatzen dugula eta trebezia desberdinak ditugula. Horrek gizartean hainbat estereotipo zabaldu ditu, baina benetan, funtzionalki, sexu desberdineko garunen artean desberdintasunak daude?

Gehiago irakurritzeko

 

Udako geneak?

ARGI ALDIAN 2015-05-31

Badira urte asko geneen adierazpena aldatu egiten dela dakigula, pertsonatik pertsonara, ehunetik ehunera, eta gene batzuek ere egunean zehar beren adierazpena aldatu egiten dutela. Horien artean famatuena CLOCK genea da. Gene horretarako aukeratutako izenak haren funtzioa adierazten du. CLOCK geneak eguna/gaua ziklo zirkadianoa doitzen du. CLOCK genearen sekuentzian aurkitu diren mutazioak loaldiaren arazoekin erlazionatu dira; besteak beste, insomnioarekin.

Argitaratu berri den ikerketa batek gene batzuen adierazpena urtaroen arabera aldatu egiten dela ikusi du. Hau da, gene batzuen adierazpen maila udan neguan baino altuagoa dela, eta alderantziz. Eta ez dira gene gutxi batzuk: 2.300 udakoak eta 2.800 negukoak. Hau da, 2.300 genek udan izaten dute adierazpen mailarik altuena, eta neguan baxuena, eta negukoek alderantziz.

Gehiago irakurtzeko

 

Troposferan izaki bizidunak?

Azken urteotan modan dagoen ikerketa arloetariko bat da mikrobioten azterketa; hots, egoera naturalean aurki ditzakegun mikroorganismoen komunitateen azterketa. Orain arte, komunitate horien azterketa oso zaila izan da, bertan bizi ziren bakterioak identifikatzeko eta kuantifikatzeko zailtasunak zeudelako, baina DNAren sekuentziazio teknikek aukera eman dute horrelako komunitate konplexuen azterketa egiteko.

Gehiago irakurtzeko

Antxoaren genomika

Genetikaz idazten dugunean gehienetan gizakiez aritzen gara, edo eredu animaliez. Gaur, aldiz, itsas arrain baten genetikaren inguruan arituko gara, eta genetikaren erabilera praktikoaren kasu bat aurkeztu nahi dut.

Antxoaren arrantzan, beste itsas arrainetan bezala, kuotak daude, hau da, urtean arrantzatu daitekeen arrain kopuru maximoa. Kuota hori, arrain kopuruaren arabera finkatzen da, arrantza agortu ez dadin. Kuota sistemak arazoak ditu, kuota herrialdeka banatu egiten da eta, horretarako, itsasoa, lur eremua balitz bezala, zatitzen da, itsas eremu bakoitzeko kuota bat jarriz. Baina antxoak itsas eremu horietan guztietan barreiatuta daude, eta batetik bestera mugitzen dira etengabe.

Gehiago irakurtzeko

Gure arbasoa

 

MIKEL IRIONDO

Gure eboluzioaren historian zehar, gure generoko lehen espezieak orain dela 2,5 milioi urte agertu ziren. Lehen espezie horiek Homo habilis eta Homo rudolfensis dira; eta pixka bat geroago, orain dela 1,8 milioi urte, Homo ergaster sortu zen. Lehen Homo espezie horien arbasoa identifikatzea gakoa da gure eboluzioa zelakoa izan den ulertzeko. Horren inguruan, azken hamarkadetan bi hautagai nagusi egon dira: Ekialdeko Afrikako Australopithecus afarensis eta HegoafrikakoAustralopithecus africanus. 2010. urtean beste bat gehitu zen zerrenda horretara: Australopithecus sediba. Urte hartan egin zuten haren lehen deskribapena (ikus BERRIAn Katebegi galdua izan daiteke eta Australopithecus sediba 2010/04/09an eta 2010/06/03an hurrenez hurren). Aurreko ostiral honetan (2013/04/12) 15 herrialdeetako ikerlari talde batek Au. sediba horren deskribapen zehatza argitaratu dute sei artikulutan Science aldizkarian, eta aurkitzaileek Hegoafrikara zuzendu dute gure generoaren sorrera.

Gehiago irakurri