Stanford-eko nesken artean informatika izan da ikasketa aukeratuena

AEBn azken urteetan hainbat iniziatiba antolatu dituzte neskak informatikako ikasketetara erakartzeko. Lehenengo emaitzak lortu dituzte orain:

• Stanford-eko Unibertsitateko ikasle nesken artean informatika izan da ikasketa aukeratuena 🙂
• Washington-go Unibertsitatean lehengo ikasturteko titulatuen artean %30 neskak izan dira (nahiz eta AEBko batezbestekoa %15 izan 2005. urtean eta %20 2010.ean).

Emaitza arrakastatsu horiek lortzeko hiru arrazoi aipatzen ditu Ed Lazowska-k (PDF):

• Neskato eta nesken interesa piztea lehen zikloko eskolatik eta institutuan.
• Informatika zer den azaltzeko ikastaroetan maila oinarrizkoagoa ematea eta software-programazioko ariketak bizitza errealeko aplikazioetara hurbilduta, filosofia edota biologiako testuinguruetan adibidez.
• Ikasleak hitzaldietara edota enpresa teknologikoetara bidaltzea, horrela neskek alor horretan aritzen diren emakumeak ezagut ditzaten

Guk inoiz lortuko al dugu? Lanean gaude bide horrexetan.

Venture Beat: Computer science is now the top major for women at Stanford Unversity