Maialen Urbietak I Research Pitches Contest saria jaso du

Maialen Urbietak I Research Pitches Contest saria jaso du

ALBISTEAK

BIZKAIKO CAMPUSA

KOMUNIKAZIO BULEGOA

UPV/EHU

astelehena, 2017ko irailaren 25a

Maialen Urbietak (Getaria, 1993), UPV/EHUko Eleaniztasuna eta Hezkuntza masterreko ikasleak, I Research Pitches Contest irabazi duela egiaztatzen duen diploma jaso du Josu Sangronizen eskuetatik. Sangroniz, UPV/EHUko Matematika Saileko irakaslea eta Graduondoko ikasketen zuzendaria, UPV/EHUren ordezkaria izan da Compostela Unibertsitate Taldeko Batzar Nagusian, Pecs-en (Hungria), zeina irailak 17tik 19ra egin zen. Han, Maialene Urbietaren izenean jaso zuen saria.

Research Pitches Contest lehiaketak unibertsitateetan egiten ari diren ikerlanei buruzko aurkezpen labur onenak aitortzen ditu. Maialen Urbietaren lanak, "A study of multilingual writing" izenekoa, eleaniztasunaren onurak aztertzen ditu. Bere ikerketaren arabera, pertsona eleaniztunek elebakarrek baino baliabide gehiago ohi dituzte, testua antolatzen jakitea bezalako trebetasuna hizkuntza batetik beste hizkuntza batera transferitu ahal baita. Horretaz gain, pertsona eleaniztunek onurak dituzte maila kognitiboan eta azterketa emaitza hobeak lortzen ohi dute.

Sariari buruzko informazio gehiago nahi izanez gero, sakatu hemen.

 
Nodoa: liferay2.lgp.ehu.es
 
Campusa cookies-ak erabiltzen ditu webguneari ematen zaion erabilerari buruzko informazioa biltzeko helburuarekin. Lege Oharra ikusi   Onartu