Ogi apurrak

Abian


Kolonbiako nasa-yuwe eta embera hizkuntzen indarberritzea: baliabide didaktikoak eta hezkuntza elebiduna

Proiektu hau Katedrak Garabide, Soziolinguistika Klusterra eta Begoñako Andra Mari Irakasle Eskolarekin (BAM) batera diseinatu du, eta beti ere nasa-yuwe eta embera komunitateen partaidetza zuzena bideratuz haien hizkuntzak eskolaratzeko materialak sortzeko egitasmoarekin. Hasteko irakurketa-idazketa prozesurako behar direnak sortzea du helburu. 2014 urtean materialak sortu eta esperimentatzeko zenbait tailer egin dira Kolonbian, Idiazabal, Ortega eta Barreña katedrakidean egin dituzten egonaldietan, eta 2016erako egitasmoa garatzea espero dugu. Ekimen horiek gauzatu ahal izateko diru-laguntza, Eusko Jaurlaritzako Hezkuntza, Hizkuntza Politika eta Kultura sailetik, eta Berriz, Leioa eta Elorrioko Udalekin sinatu ditugun hitzarmenetatik jaso dugu.
 

Cauca (Kolonbia) herrialdeko nasa-yuwe hizkuntzako irakasleen prestakuntza

Egitasmo hau Garabide Elkartearekin batera egiten da, beraiek 2010 urteaz geroztik duten harremanari esker. 2014 urtean katedrak hainbat ikastaro antolatu ditu Cauca eskualdean: apirlean Itziar Idiazabal irakasleak, eta azaroan Ane Ortega irakasleak emanak izan dira. Bestalde, Andoni Barreña irakasleak Popayaneko Universidad del Cauca-k konbidaturik lau hileko egonaldia egin du 2014ko irailetik abendura. Egonaldi horri esker hainbat ikastaro eta mintegi eman ahal izan ditu Caucako nasa-yuwe hizkuntzaren eragile eta irakasleekin, beti ere Garabide elkartearen lankidetzarekin batera. Katedraren parte-hartzea posiblea izan da Eusko Jaurlaritzako Hezkuntza, Hizkuntza Politika eta Kultura Sailaren laguntzari esker, eta Leioako, Berrizko eta Elorrioko Udalekin ditugun hitzarmenei esker.
 

Garapenerako Lankidetza-proiektuetan hizkuntza-irizpidea txertatzeko proposamena

Egitasmo hau UNESCO Etxea, Soziolinguistika Klusterra eta Garabiderekin batera bideratu da, nolabaiteko gida modura garapenerako lankidetza egitasmoetan hizkuntza aniztasunaren irizpidea kontuan hartua izan dadin. Bestelako oinarrizko irizpide nagusiekin batera, hala nola genero berdintasuna edo garapen iraunkorra, lankidetza bideratzen den herrialdeetan hizkuntza aniztasuna eta bereziki hizkuntza gutxituen egoera kontuan hartua izateko gida proposatzen da. Proiektu honetako emaitza da Uranga-ren 2013ko argitalpena. br />  

 

Beningo bariba hizkuntzaren normalizaziorako teknikarien prestakuntza

Egitasmo hau "Vie pour tous" (Parakou, Benin) gobernuz kanpoko erakundearen eskaera batetik sortu zen, hain zuzen baribatarrak bere lurraldean bere hizkuntza (bariba) eskolatu eta erabilera sustatzeko asmoarekin. Garabide Elkarteak antolatzen duen irakasleen prestakuntza programan parte hartzekoak ziren bertako irakasle bat eta kazetari bat, baina ez dugu diru-laguntzarik lortu 2014 urtean prestakuntza horretan parte hartu ahal izateko. 2015 urtean beste eskaera bat bideratuko dugu Manuel Iradier Afrikanisten Elkartearekin batera haiek ere erakunde berberarekin lan egiten dutelako.
 

Elebitasuna eta eleaniztasunaren garapena haurtzarotik heldutasunera bitartean euskaraz eta haren ondoko hizkuntzetan (FFI2012-37884-C03-01 / IT676 -13)

Ikerketa proiektu hau UPV/EHUko HIJE (Hizkuntzaren Jabekuntza eta Erabilera) ikertaldeak bideratzen du Espainiako MINECO eta Eusko Jaurlaritzaren diru-laguntzaz 2012-2015 urte bitartean.Itziar Idiazabal da proiektu honen ikerlari nagusia eta bertan dihardute katedrako beste zenbait kidek ere.
 

Murgilketa bitartez euskaldundutako hiztun berriak: jarrerak eta identitatea ( FFI2012-37884-C03-03)

Proiektu hau Katedrako kide diren ikerlariek Deustuko unibertsitatera atxikita garatzen da, Bizkaiko Foru Aldundiaren eta Espainiako MINECOren diru-laguntzarekin 2012-2015 urte bitartean. Estibaliz Amorrortu da ikerlari nagusia.

Proiektu hau europar COST New Speakers in a Multilingual Europe: Opportunities and Challenges (ISCH COST Action IS1306) proiektuan integratu da, Bernadette O'Rourke-k zuzenduta eta 2013ko maiatzaren 15ean onartua. Esti Amorrortu-k eta Ane Ortega-k "Expert" eta "MC Substitute" gisa 1. lerroan (Indigenous minority languages) parte hartzen dute. Itziar Idiazabal eta Ibon Manterola proiektu honetako kolaboratzaileak dira baita ere 2014 urtetik aurrera.
 

ELEBIDUN Egitasmoa. Étude des compétences linguistiques chez les élèves de l'école primaire dans le cadre d'une scolarité bilingue (basque-français). IKER (UMR5478) Baiona

Frantziako Conseil Géneral des Pyrénées Atlantiques erakundeak eta Euskararen Elkarte Publikoak diruz lagunduta, 2012-2014 urteetan burutzen ari da egitasmo hau Lehen Hezkuntzako haurren heziketa elebidunaren frantses eta euskarazko gaitasunak aztertze aldera. Jon Casenave da ikerlari nagusia eta Itziar Idiazabal, Ibon Manterola eta Ines Garcia-Azkoaga ikertalde zientifikoko kide dira.
 

Nodoa: liferay1.lgp.ehu.es