Ostiralean, maiatzak 26, 18:00etan, UPV/EHUko Areto Nagusian (Sarriena auzoa z/g. Leioa), Universidad del País Vasco/Euskal Herriko Unibertsitateak 2016ko doktore berriak eta 2013-14 ikasturteko doktoregoko sari bereziak izendatuko dira.
UPV/EHUk urteko 500 tesiren muga gainditu du
Izendatzeko ekitaldian 500 doktore berri omenduko ditu, baita 2013-14 ikasturtean doktoregoko 45 sari bereziak eskuratu dituztenak ere
Lehenengo argitaratze data: 2017/05/25
Guztira iaz 282 emakumek (% 54) eta 243 gizonek (% 46) irakurri zuten tesia UPV/EHUn. 2016an, beraz, 525 tesi burutu ziren. Horrek esan nahi du lehendabizi urteko 500 tesiren muga gainditu duela. Doktore horien % 21 atzerritarra da.
Hau da tesien eta jakintza arloen arteko lotura: Zientziak (133), Ingeniaritza eta Arkitektura (77), Osasun Zientziak (87), Gizarte eta Lege Zientziak (124) eta Arte eta Giza Zientziak (104). Azpimarratu beharra dago tesi horietatik 155 nazioartekoak izan zirela, eta 53 euskaraz defendatu zirela, 2015eko datuak hobetuz. Halaber, 2013/14ko doktoregoko 45 sari bereziak ere emango dira ekitaldi honetan. Sari hauek ematen zaie cum laude tesiei nazioarte mailan izan duten garrantziagatik, zientziari egin dioten ekarpenagatik eta era adierazgarrian jakintza berriaren sorreran lagundu izanagatik nabarmendu diren tesiei.
Nekane Balluerka UPV/EHUko errektorea izango dugu ekitaldi buru. José Ignacio Armentiak, Master eta Doktorego Eskolako zuzendariak, aurkezpena egingo du, eta Rafael Avilés Gonzálezek, UPV/EHUko Ingeniaritza Mekanikoaren arloko katedradunak emango du ondoko ikasgaia: ‘Algunas reflexiones sobre la utilidad, evolución y perspectivas de la investigación para el diseño de máquinas'.
Ekitaldia streamingen bidez jarraitu ahal izango da: https://ehutb.ehu.eus/1katea