Blog

Arabako Foru Ogasunaren diru-bilketa % 13 hazi da 2017an, zifra historikoa lortuz

2018-1-29

Arabako Foru Ogasunak 2.303 milioi euroko diru-sarrerak lortu ditu 2017ko ekitaldian, 2016an baino %13 gehiago. Emaitza honek, 2016ko urrian eginiko aurreikuspenak bete eta gainditu ere egin ditu. Baina ez hori bakarrik. Ramiro Gonzálezek, Arabako Aldundiaren ahaldun nagusiak azpimarratu duenez, “zifra historikoak” lortu dira, krisi aurreko emaitza fiskalak gaindiaraziz.

Zerga zuzenen kasuan, Sozietateen eta Pertsona Fisikoen Errentaren gaineko Zergen hazkundea %19,2 eta %7,3 izan da hurrenez hurren aurreko ekitaldiarekin konparatuz. Zeharkako zergek aldiz, %3,4 egin dute gora.

Bestalde, Ekonomia itunaren Batzorde Mistoan Estatuarekin lorturiko akordioen efektu finantzarioa ere oso kontuan hartu beharrekoa faktorea da. Hain zuzen ere, kupoari loturiko akordioei esker, atzean utzi dira hamar urte iraun duten desadostasunak. Akordioaren ondorioz, 98,7 milioi euroko ekarpen gehigarria lortu da diru-bilketa orokorrean. Gonzalezek jakinarazi duenez, “datozen ekitaldietan ez da lortuko horrelako zifrarik, Estatuarekiko desadostasunak konpondu ondoren egindako eguneratze puntualaren ondorioa izan delako”.

Ramiro González, Arabako Ahaldun nagusiaren prentsaurrekoa.

Fuentes

Fuente 1

Fuente 2

Fuente 3