Otoi, nigatik Fortunari egin

ahakar: kalteok nik haren erruz,

egin beharrean gizartegai duin

arruntu bainau jendaurre-ekanduz.

 

Hortik nik izena marka beltz batez;

hortik ene izate hau lantegi

txarraren kutsuz, tindatzaile legez.

Kupit, bada, opa garbit banendi.

 

Bitartean, zintzo hartzeko berdin,

badut pozoi latzik kutsuon aurka;

deus ez dut nik joko mingots, ez samin

bikoitz, gaitzez badu gaitzak botika.

 

Kupit nitaz, eta ziur zaudeke:

erruki huts horrek osa nazake.