Nola dastagura zorroztearren

dugun garratza aho-ernagarri;

gaixorik artean egon ez arren

purga nola dugun sendagai larri,

 

hala, beterik gozo aspergabez,

mingotsagotara naiz ni zaletu,

eta, ongiz eri, nago, gai horrez,

sasoiz aurretik gaixotzeko gertu.

 

Maitezko arta hori —gaixotzeka

jada eri— gaitz bihurtu da ziur:

igorririk On sendabide xerka,

hark, ongiz lepo, Gaitz du osasun-ur.

 

Hortik, baina, nik ikaskizun zina:

drogek pozoitzen zutaz eri dena.