Arimak badiotsu hurregitik

narraizula, itsu horri zina bil

Will nauzula ni, noski ongi-jinik,

eta goza-maita, maite gozo, Will.

 

Will dabilkizu on-nahiz betegin:

maitez bil Willez, on-bete, Will soil hau.

Aise frogatzen da, kopuru-lagin,

garautzen muntan bat ez dela garau;

 

muntan, beraz, kontatzeka pasa ni,

nahiz zure kontu gordez bat izan.

Deusez jo; hala, naizen deusez hori

gozo bihur dadin zure gozotzan.

 

Ene izena har maitagai; murgil

egin hartan, ezen ur-bil da, hur, Will.