Zarela bihotz-gogor bezain zuhur:

ez hertsa ene egonarri mutu

hau larregi, ez nadin, penez uzkur,

eleketan has, arranguron kontu.

 

Hobe litzateke, bai, gai bazina,

maitatzeko ez bada, esateko

maite nauzula, nola gezur zina

maiz baitantzu eriak hilzoriko.

 

Ezen, etsiz gero, zora ninteke,

eta zoramenean zu gaitzaipa;

mundu ustel hau hain makur dateke,

mihi-beltz zoroz burtzorotzen baita.

 

Ez zaitzadan nik har gaiztoz mintzagai,

artezt begiok, nahiz bihotzak jai.