Bilaketa aurreratua

Ogi apurrak

Shakespeareren sonetoak Juan Garziaren ahotsean

141. Zinez, ez zaitut maite neure begiz

Zinez, ez zaitut maite neure begiz,

zugan baitute mila huts ikusten;

bihotza daukat nik, alta, gurariz:

ikusiak ikusi, suz zait pizten.

 

Ez dira belarriok zure elez

gozatzen; ez du ukimen likitsak,

ez dasta-, ez usain-menak nahi, ez,

zuhaur beretu sentsu-jostailutzat.

 

Zentzuzko bost sentsuok, baina, ezin

bihotz zoro bati burutik ken zu

zerbitzatzea, giza trazaz berdin

baita bihotz latz horren jopu txatxu.

 

Izurri horrez, doi dut irabazi:

hobenen sari, minez nauzu hazi.

Nodoa: liferay1.lgp.ehu.eus