Sukar gaitz da nigan Amodio, bai,

gaitzak luzaro iraun dezan eske;

eria bera gaixo-elikagai,

gura berriz betez asez hainbeste.

 

Buru jaunak, maitasun-osagile,

haserre, ez baitut bete agintza,

alde egin dit, utzirik jakile

herio dela irrits zentzakaitza.

 

Hiletsirik ni, etsi huts burua,

egunez egun geroz zoroago:

pentsuak, solasa, ero modura

alderrai dabilzkit, sena akabo;

 

zinez baineritzun argien argi;

zuri, infernu beltz, gau ilun horri.