Haurregi da Maitasun jabetzeko,

nahiz Kontzientzia noski haren

fruitu den. Ez, beraz, tronpari gaixto,

ni sala, zeu ez zaitezen nabarmen.

 

Zeren, zuk ni salduz, neuk saltzen baitut

soin txar honen truke alde finena;

Arimak diotsa Gorputzi: «Axut!,

maitasun-garai duk»; Haragik tema

 

hartzen du hala; tente zure aipuz,

zeu nahi hark sari. Zut harro-harro,

gustura da morroi zure zerbitzuz,

goi zein behe, zuk zer agint, han dago.

 

Ez dit kontzientziak huts egiten:

Maitasun gurtzeko naiz altxa-jausten.