Hainbat goiz bikain ikusi dut, zinez,

gailurrak balakatzen begi argiz,

larre berdeei muin eginik urrez,

ur ilunak piztuz zeru-mirariz,

gero hor utzirik hodei txarrenei

latz itsusten aurpegi zerutarra,

marro eginez mundutar etsiei,

sartalderantz bilduz itzal makurra.

Hala neure Ekik goiz bikain batez

argi egin zidan, oro distiraz;

ai ene, baina, doi-doi ordubetez,

hodei gaitzak bainau itzali hartaz.

Ez dut, ez, maitez, Eki gaitzetsiko:

zeru-lurretan, libre da histeko.