Nola zaitzaket nik, oi, gisaz kanta,

neure parte baitzaitut, onen hori?

Laudorioz burua zer nik hanpa,

neu puzturik haize emanez zuri?

Hori hala, bizi gaitezen bereiz,

gure maitasun bakar hau bananduz,

hala apartean joanen bainaiz

dizudan zorra nihaurek kitatuz.

Oi, Gabe!, zeinen tormentu latza hi,

hire aisia mingotsak ez balu

pentsu gozoz ematen liluraldi,

aldi-xarma, Maitasun dela mamu:

irakasten baituk bat erdibitzen,

inoratua hemendik laudatzen.