Libertatek dagitzan irristatxook,

inoiz bihotz-kuku baitegidazu,

eder dituzue gazte ederrok:

zu nora, Tentaldi hara darraizu.

 

Fin zaren ber, preziatzen zaituzte;

hain zara eder, zugana oldartzen;

ezein eme-semek, barren, ez duke

gaizten emea hark badu arrentzen.

 

Ez didazu, baina, tokia gorde,

kargu hartu eder bihurri horri,

zeinak hor baitzauzka, gatazka-lore,

fede-zin bikoitza hausteko larri:

 

harena, zaren eder tentaturik;

zeurea, ederrez ni tronpaturik.