Begiak itxiz hobeto dakusat:

huskeriei so hortxe egun osoz,

lotan ni, amets-soan darabiltzat;

argi zait ilun, ilunen argioz.

 

Zu, zure itzala itzalen argi,

zer dizdizari itzal hori, egun

argiz balegit argi, ikusgarri,

distira huts den ber begiak ilun!

 

Pentsa, bada, nolako zoriona

egun bizian zuri so eginez,

gau mortuan zure zantzu huts dena

begi sor itsuoz jabetzen denez!

 

Egunak gau ditut, zure beilari;

gauak egun argi, ametsez zuri.