Bilaketa aurreratua

Ogi apurrak

Shakespeareren sonetoak Juan Garziaren ahotsean

046. Begi-Bihotzon gudukak latz dirau

Begi-Bihotzon gudukak latz dirau,

zure ikusmiran zeinek zer bere:

Begik Bihotz dauka irudi-barau,

Bihotzek Begiri ukoa lege.

 

Kexu da Bihotz, hain barne baitzaitu,

kristal-begik jo gabeko gordean;

defentsan Begik dio arrazoitu

fin-fin zauzkala irudiz ninian.

 

Auzi-epaile hor antolatu da

gogo-ebazletza, Bihotzen maizter;

deliberaturik, epaia hau da,

Begi argi, Bihotz kutun, zeini zer:

 

Begik bere dizu kanpo-aldea;

Bihotzek, zuzenez, bihotz-barnea.

Nodoa: liferay1.lgp.ehu.eus