Ez brontzek, ez printzeren oroitarri

urrezkok dirauke hain bizi luzez:

hitzoz zuk distira hobeko argi

ezen ez harri Aldik narrastuez.

Gerrak hondakin iraultzean oro,

eraikin sendo zirenak lur jorik,

ez Marteren ezpatak, ez su mardo

guduk piztuk lezake gal zurerik;

herio zein etsaigo oro-ahantz

gaitzon despit, hau duzu iraun-harri,

are mundu hau —azken beltzaren latz—

so-gabet dezanaren ikusgarri.

Epai-egunean zeu jaiki arte,

hemen zara bizi, maite-soz tente.