Bilaketa aurreratua

Ogi apurrak

Shakespeareren sonetoak Juan Garziaren ahotsean

060. Ur-bazterrerantz nola olatuak

Ur-bazterrerantz nola olatuak,

gure minutuak hala amaira,

pausu gabe aurrera hertsatuak,

txanpan lehiati txandatzen dira.

 

Sortze, gaur doi-doi argi zabalera,

heltzez dateke koroatu bihar;

eklipse makurrek lorioi gerra:

Aldik darama zer ere baitakar.

 

Zorrotz du Aldik Gaztaro kimatzen,

Ederloreri ildotuz betertzak;

zitu bitxiz da naturaz alhatzen:

deus ez du barkatzen igitai latzak.

 

Aldia aldi, nik esperantza hitz:

anker horren despit, zure duin ailitz.

Nodoa: liferay1.lgp.ehu.eus