Bilaketa aurreratua

Ogi apurrak

Shakespeareren sonetoak Juan Garziaren ahotsean

071. Ez dolu egin ni hiltzean, maite

Ez dolu egin ni hiltzean, maite,

luzazago ezen kanpai zakarrek,

munduari banoala albiste,

hartzeko nautela har ustelenek.

 

Ez: saihets hizkiok zugan piztea

esku honen gomuta, hain baitzaitut

maite, nahi bainuke ahanztea,

ni oroitzez min har bazeneza zuk.

 

Noizbait, oi, bertso honi so eginik,

bereturik ni jada buztin hotzak,

ez aipa, ez naiz duin, ene izenik:

utz maitasuna hiltzen enekin bat:

 

munduak luke zure zinkurinez

irribide: zu ene doluminez!

Nodoa: liferay1.lgp.ehu.eus