Nigan hona zuk urtaro hori noiz

hostoak bakantzen baitira, adar

gorriak dardarka daudelarik hotz,

koru-hondakin txioz hustu zahar.

 

Hor zer nauzun: arrastiri iheskor

baten ilunabar osteko bista,

zeina gau beltzak baitarama bizkor,

Balberen ber, iraungiz azken txinta.

 

Hor zer nauzun: gaztaro-errautsetan

datzan su baten distira-izpia,

hil-ohe baitu han hondar-hatsetan,

bizigai zuenaz zendua ia.

 

Hala finago zure maitasuna:

fin maiterik honen gauza ilauna.