Ez kezka, baina: bahirik ez duen

epai zorrotz horrek naramanean,

hitzoz du bizi honek interes ben

ene oroigarriz zure geroan.

 

Honen bidez ezazu gogoan har

zuri emana zen parte horixe;

lurrari lurra izanik zor bakar,

onena ukan: izpiritu hauxe.

 

Zer galdu dukezu?: biziaren pats

hutsalak, harren gorpuzkin-saria,

aizto makur baten balentria gaitz,

zuk gogoratzeko ustelegia:

 

baliorik badu, edukiak du;

hura, hauxe, beti dukezu gertu.