Bilaketa aurreratua

Ogi apurrak

Shakespeareren sonetoak Juan Garziaren ahotsean

075. Jana bizitzari nola, niri zu

Jana bizitzari nola, niri zu,

nola lurrari sasoiko urjasa.

Zure bake bila, gudu huts nauzu:

xuhurra sosen, nik zure eskasa:

 

gozatzez harro, eta istantean

beldur Aldik duen altxorra jango;

noiz hobetsirik isil-bakarrean,

noiz jendeen ageri laketago;

 

gogoa aserik zure ikustez,

bertatik dut so baten sabel-harra;

lortuan zein guran, atseginik ez,

salbu ukanetik ukan-beharra.

 

Hala nabil lepo eginik gosez:

oro jan beharrez, oro aski ez.

Nodoa: liferay1.lgp.ehu.eus