Nik soilik hots negizun bitartean,

neurtitzok soilik zugandik geriza;

orain, ordea, graziok galtzean,

Musa gaixo, atzetik bestek bultza.

Egia da, maite: zaren gai finak

merezi du luma trebeagorik;

alta, zure poetaren emaitzak

oro dituzu hark zeuri ostutik.

Bertute du aipu, eta hitz hori

zure jokabidetik du; Edertza,

eta zure musutik: ezin zuri

aintzarik eman, zure da bakoitza.

Ez, bada, eskert haren edermena:

ez duzu zer ordain hain zure dena.