Ahala izanik zaurtzen ez duten

zerok, hain itxuraz beste baitira,

hunkitzen ez den harri diruditen

hunkigarriok, hotz, sor tentaldira;

 

zuzenez zeru-dohainen jaraunsle,

zaintzen dakite jaso ondareak;

jaun dira aurpegien eta jabe,

bikainon otsein direla besteak.

 

Udako lilia gozo udari,

bere hartan soil jaio-hilik ere;

helduz gero, baina, gaitz txarrak hari,

belar txarrena duintasunez hobe:

 

gozoena nola gero mikatzen,

lirio ustelak hala kiratsen.