Silvain Pouvreauren hiztegiaren iturriak eta testukritikaren metodologia II. Voltoire-ren hiztegiak

Javier Etxagibel

Laburpena


Etxagibel (2008)-n azaldu denez, Voltoire Pouvreauren hiztegi iturrietan nagusiena bide da. Erkaketa zuzenak erakusten du Pouvreauren hiztegiaren 700 sarrera buru edo azpisarrera inguru Voltoirerenei legozkiekeela. Horrezaz gain, J. Lakarrak proposatutako egitura irizpidearen erabilerak agerian jarri du Voltoireren alderantzizko hiztegiaren —euskara-frantsesaren, hain zuzen— bizpahiru sarrerek osatutako zenbait segida agertzen direla Pouvreaurenean. Berriz, lekukotasunen batek iturri anitzetan jatorri izan ahal duenean Etxagibel (2008)-n azaldutako irizpideak erabili dira delako lekukotasuna hiztegi iturria den Voltoireri esleitzerakoan.

Zenbait datu formalek pentsarazi digute Pouvreauk Voltoireren 1642ko edizioa erabili zuela, lehen edizioa ere erabil zezakeen aukera alde batera utzi gabe.

Eranskinean Voltoirerenak bide diren Pouvreauren hiztegiko lekukotasunak biltzen dira alfabeto hurrenkeran. Berriz, taula batean aurkezten dira —lekukotasunez lekukotasun— Pouvreaurenak eta haiei legozkiekeen Voltoirerenak.


Testu osoa:

PDF




________________________

ASJU  Anuario del Seminario de Filología Vasca "Julio de Urquijo"

ISSN: 0582-6152  |  e-ISSN: 2444-2992

asju@ehu.eus

ASJUren bertsio elektronikoa Creative Commons baimen baten mende argitaratzen da: Attribution-NonCommercial-NoDerivatives 4.0 International (CC BY-NC-ND 4.0)