Erabiltzaile Tresnak


morf:5:10:3:2:1:2:1:8

berriki

berriki adberbioa berri adjektibotik sortzen da, eta “orain dela gutxi” esan nahi du. Batez ere Iparraldean erabiltzen da:

  • Huna, bi aldetarik, gari-landa ttipi batzu, berriki ebakiak. (Beribilez, Etchepare, J.)
  • Eusko langilek berriki egin zuten galdera onarturik, kilo ogi bakotxaren salneurria sos batez gutitu dute edo merkatu. (Nafarroatik, "Larreko")
  • Alabainan, orain berriki arte, herrika egiten ziren Pastoralak. (Euskal Literaturaz, Lafitte, P.)
  • Zinez ikaretan zauden bazter guziak, eta Menta zenak, berriki orduan ethorri jaun erretorak, orai oraino han den alimaleko burdinmarra bat emanarazi zuen bere athe handiaren gibelean. (Piarres II, Barbier)

Egungo idazleek ere erabiltzen dute:

  • Zuhaurek ikusi duzu nola bizi ziren berriki arte, baita orain nola bizi diren ere. (Elektrika, Montoia, X.)
  • Hauxe gertatu da berriki Gipuzkoan. (Zakurra, zeure laguna,Garate, G.)
  • Hori, edo zerbait aski antzekoa, irakurri izan dut berriki nonbait. (Euskararen etxea, Salaburu, P.)
  • Malikaren ahizpa gaztea den Myriamek gutuna idatzi du berriki egunkarietan, ahizparengatik prentsan esan direnak asaldatuta eta “haren izen ona berreskuratzeko asmoz”. (Hizlandia, Aranbarri, I.)

lanaren aipamena nola egin...

Euskara Institutua, EHU, "berriki", Sareko Euskal Gramatika (SEG), www.ehu.eus/seg
ISBN: 978-84-693-9891-3