egundaino

egundaino adberbioa ere egun adberbiotik sortzen da eta “gaur arte/inoiz ere” edo “baten batean/noizbait” esan nahi du“ esan nahi du.

Hainbat aldaera ditu: egundano, egundeino, aundaino, eundeino, igundaino. Adberbio hau Iparraldeko tradiziokoa da, batez ere, eta guztiz lexikalizatuta dago.

• Adibide klasikoak:
  • Etsaiaren gudukatzea eta haren adixkideen gaztigatzea ez da egundaino gaizki izan. (Murtuts eta bertze, Lafitte, P.)
  • Min tuntik ez zitzaion jin; egundaino izan zuen zintzurrik legunenaren jabe gelditu zen. (Supazter xokoan, Barbier)
  • Egundaino zaharrik ez dut ikusi hanbat ahalkezunik. (Telemake, Duvoisin)
  • - Mutillak! Egundaño eztet onelako idirik ikusi. (Garoa, Aguirre, D.)
  • Etxahunek ez du nehor egundaino saldu. (Etxahun, Larzabal, P.)
  • Egundano ezta izan, ez izanen jagoitik, judizio hain handirik ezetare borthitzik; sortu eta sortzekoak, hilez gero pizturik, orok hara behar dute eskusatu gaberik. (Linguae Vascomun Primitiae, Etxepare)
  • Egundeino izan den haurrik ederrena. (Meditazioneac urtheco Ebanjelioen gainean, Jauretche)
  • Ez zuten egundino gure fededunek ikhusi. (Fedearen Propagacioneco Urtecaria edo Fedearen Propagacioneco berriac urteca ematen dituena)
• Gaurko adibideak:
  • Ez naiz egundaino ekintza gizon izan. Zerbait obratu ezean, hutsaren analizatzen laket zait haatik, perpausen moldatzeak iragan denbora alferrikoari halako substantzia bat emanen diodala itxarotuz. (Azken apeza, Aintziart, P.)
  • Bainan ez dut egundaino baimenik galdatu eta egundaino ez da nehor ohartu Bordaleko aitzindarietan nik aste guziz Herria-n idazten nuela. (Ez da musik, Oxandabaratz)
  • Dontsu honek ez ditu egundaino hain kriskitinka sentitu bere pentsamenduak. (Argizariaren egunak, Lertxundi, A.)