Denbora perpaus motak

Horrenbestez, denbora perpausek erreferentzia puntu bat zehazten dute denboran, eta perpaus nagusiko ekintza puntu horrekiko kokatzen dute. Hala, denbora perpausek erreferentzia bat baino gehiago eman dezakete aditzera, eta perpaus nagusiko ekintza puntu horren aurretik, une horretan bertan edo puntu horren ondoren gertatzen den adieraz daiteke. Hiru denbora nozio nagusiren inguruan gauzatzen dira erreferentzia horiek:

• Aldi desberdintasuna (aurrekotasuna eta ondokotasuna)
• Aldiberekotasuna (aldiberekotasun errepikatua eta estua)
• Iraupena

Horietan guztietan, mendeko perpausak ematen dio perpaus nagusiaren gertakariari denbora erreferentzia, hau da, mendeko perpausak adierazten duen denboran gauzatzen da perpaus nagusiko ekintza. Horiez gain, ordea, beste bi denbora perpaus berezi ere aztertuko dira:

• Denboraren erreferentzia esaldi nagusian duten perpausak
• Gertakariak “kronologian” kokatzen dituzten perpausak

Beheko taula honetan jaso dira ondorengo lerroetan aztertuko diren denbora perpausak: