Elkarrizketa markatzaileak

Elkarrizketa markatzaileak ere diskurtso markatzaileak dira, eta mota hauek bereizten dira:

• Ziurtasuna adierazten dutenak: jakina, noski…
• Adostasuna adierazten dutenak: ados, ongi…
• Bestetasuna adierazten dutenak: gizona, beha, aizak…
• Metadiskurtsoari dagozkionak: zera, bon, bueno…

Hona adibide batzuk:

• Ez zuen pentsatuko heriotza hain azkar iritsiko zitzaionik, jakina. (Hiri hondakin solidoak, Alonso, J)
• Traktoreak edonor hil zezakek, ados, baina igitaiak ez…? (Arma, tiro, bammm!, Irigoien, J. M.)
• Baina, aizak, Mulligan, ondo fuertea egiten duk tea, ez? (Ulises, Joyce, J., Olarra, X.)
• Bide batez, zigarroak eta kafeak ez dizute kalterik egiten? Ultzeragatik, diot. Royk ezetz egin zuen buruarekin. –Nik, zera… ez zen ultzera txarra ere. (Litxarreroak, Jim Thompson / Miel A. Elustondo)
• -Barka ene ausardia, baina nahiago nuke mintza gaitezen zure etxean, belarrik kuriosoengandik urrun. –Aaa? Bon, sar gaitezen beraz, baina errazki ulertuko duk ez dudala asti anitz hirekin eleketan aritzeko… (Biribilgune, Katixa Dolhare-Zaldunbide)

Hauxe da, elkarrizketa markatzaileen eskema: