Erabiltzaile Tresnak


zalantzak:3:2

Baita… ere + aditz jokatua

Galdera
Ondoko hau ontzat har daiteke? Zu bakarrik ez, baita Gorka ere egon da gaixorik.

Erantzuna:

GORKA GAIXORIKEsaldi hori ez da zuzena. EGLU-III liburukian aztertu ziren halako egiturak (ikus 45. or.). Esaldi hauek biltzen dira han:

  • Jone ere etorriko omen da
  • *Jone ere bai etorriko omen da.

Bigarrena okertzat ematen da, bai horrek aditz sintagma ordezkatzen baitu, eta, horren ondorioz, aditz jokatua eta bai hori, biak batera, ezin daitezke agertu. Galderan eman den adibidea ere bertsua da, baita … ere eta ere bai egiturak baliokideak baitira.

lanaren aipamena nola egin...

Euskara Institutua, EHU, "Baita… ere + aditz jokatua", Sareko Euskal Gramatika (SEG), www.ehu.eus/seg
ISBN: 978-84-693-9891-3