Laburpena:

Laguntza-praktiketan eta osasun publikoan, ohikoa da azterketa bati ekin aurretik berrikusketa sistematiko baten bidez biltzea ikertu nahi den galderari erantzuten dioten literatura zientifikoan aurki daitezkeen ebidentzia guztiak. Literatura horren berrikusketa objektiboa egiteko, lehenik eta behin argi formulatu behar da xede dugun galdera, eta inklusio- eta esklusio-irizpideak zehaztu behar dira. Bigarren fasean, datu-base espezifikoetan bilaketa sistematiko eta sakona egin beharko dugu. Ondoren, kritikoki baloratuko dugu aukeratu ditugun artikuluen kalitate metodologikoa. Horrek zehaztasunez islatzen du zein den interes-gaiari buruzko galderaren egoera, baina ez du ebaluatzen programa, tratamendu edo esku-hartze baten eraginkortasuna. Horrek esan nahi du ez dela lortzen formulatu den ikerketa-galderari erantzuten dion efektuaren magnituderik. Horretarako, beharrezkoa da artikulu horietako bakoitzaren emaitzak meta-analisi tekniken bidez integratzea. Datuak ateratzea, ikerketen heterogeneotasuna ebaluatzea, efektuen magnitudea kalkulatzea eta emaitzak interpretatzea izango dira mintegi honen helburuak.

Hizlaria:

Montse Girabent-Farrés Doktorea

Matematiketan lizentziaduna eta Estatistikan doktorea Bartzelonako Unibertsitatearen eskutik. Universitat Internacional de Catalunya ikastegiko Bioestatistika, Epidemiologia eta Osasun Publikoko Saileko zuzendaria izan zen 2001etik 2012ra. Urte horietan, estatistika eta ikerketa-metodologia eskolak eman zituen Medikuntzan, Erizaintzan, Odontologia eta Fisioterapian. 2012tik unibertsitate bereko Fisioterapia Saileko irakaslea atxikia naiz, eta 2015etik sail horretako zuzendariordea ere banaiz. Nire ikerketa-gai nagusia osasungintzako neurketa-kalitatea hobetzeko estatistika-metodoak eta –teknikak eta erantzunaren eraginaren kalkulua dira, batez ere datu ordinalen erantzunaren balorazio-eskalekin. 2015ean, doktore kontratatu (ANECA) akreditazioa lortu nuen, eta seiurteko bizi bat aitortu zidaten 2014tik. Jarduera nagusiaz gain, balioztatzeari eta fidagarritasunari, ikerketa-metodologiari, berrikusketa sistematikoei eta meta analisiari buruzko mintegiak ere eskaintzen ditut ospitale eta osasun-zentroetan.