Metodologia

Irakatsi eta ikasteko metodologia erabiliko da; hala, Masterra arrakastaz gainditu ahal izateko, ikasleak ezagutzazko eta prozedurazko gaitasunak eskuratu ahal izan ditzan. Guztira, 90 ECTS kreditu dira. Horietatik, 63 irakaskuntza presentzialekoak dira. Horietan, konbinatu egingo dira eskola teorikoak eta lantegi eta ariketa praktikoak. Gainerako 27 kredituetarako 4 hilabeteko praktikak egingo dira enpresetan, eta master amaierako lana egingo da.

Ebaluazioa

Ebaluazio prozedurak irakatsi eta ikasteko ECTS metodologia hartuko du oinarri. Hortaz, ikasleak eskuratu beharreko gaitasunen prozesua eta ikaskuntza emaitzak ebaluatuko dira.Ebaluazio irizpideak homogeneizatzeko, Masterreko irakasle guztiek antzeko ebaluazio protokoloa erabiliko dute, dagokien ikasgaira egokituko dutena. Ikasgaiak emateari dagokionez, ikaskuntzaren prozesuari eta emaitzei buruzko ebaluazioa hiru zati hauetan banatuko da:- Eskola presentzialetako bertaratzea eta parte-hartze aktiboa baloratzea.- Ikastorduetatik kanpo egindako lana baloratzea, eskola presentzialen aurretik ikasleak egin beharreko lanen eta eginkizunen bidez.-Test motako azterketa baten bidez, eskuratutako ezagupenak baloratzea.Praktika prozesuetako ikaskuntza aldizkako txostenen bidez ebaluatuko da. Ikasleek egindako jardueren inguruan txosten horiek dagozkien tutoreei aurkeztu beharko dizkiete. Ebaluazioa osatzeko, master amaierako memoriaren kalitatea eta horren komunikazio eta defentsa publikoa kontuan hartuko dira.