Metodologia

Masterrak aintzat hartzen du sartzen diren ikasleen aldez aurreko prestakuntza mota anitza eta prestakuntza ibilbide malgua izatea, hau da, Masterra osatzen duen oinarrizko ardatzaren inguruan, ikasle bakoitzaren berariazko ezaugarrietara egokitzen da planteatutako helburuen betetze maila ahalik eta handiena izan dadin. Hori guztia kontuan izanda, Masterraren metodologiak askotariko teknikak barne hartzen ditu, eta tartean, banaka ikasteko metodologia zein taldeka ikasteko metodoak, eta biak konbinatuta ikaskuntza prozesu osoan. Honako hauek erabiliko dira: ahozko eta ikus-entzunezko azalpen teknikak, parte hartzezko eta taldeko teknikak, tartean eztabaidak, eta talde txikietan jarduteko teknikak. Ikaskuntza metodologia horiek, gainera askotariko eskarmentu profesionala izan ahal duten ikasleei bereziki zuzenduta daude, eta horrek ikasleak modu aktiboan esku hartzea eta ikaskuntza prozesuren alde egitea ahalbidetzen du.Saio magistralak emango dira, gaiei buruzko ikuspegi orokor eta sistematikoa emateko, elkarrizketaren bidez eta ideiak elkartrukatuz horien alderdirik garrantzitsuenak nabarmenduta. Aldi berean, saio praktikoak egingo dira, banaka zein taldeka, honako formatuetan: aplikazio praktikoko jarduerak, laborategi informatikoa eta bisitak egiazko instalazioetara. Mintegietan arloari lotutako gaietan sakonduko da, saio magistralen bidez azalduta eta ikasgai bakoitzari buruzko bibliografian dagoen testuak aztertuz. Ikasgai ezberdinetan, gainera, hainbat lan proposatuko dira bereganatutako ezagutza ezberdinak finkatze aldera.

Ebaluazioa

Ikasgai ezberdinen gaitasunek titulazioaren gaitasunak garatu eta zehazten dituztela aintzat hartuta, ikasgai bakoitzaren gaitasunei buruz egingo da ebaluazioa. Hartara, ikasgai bakoitzak prozedura ezberdinak erabiliko ditu dagozkion gaitasunak ebaluatzeko. Hona prozedura horiek zeintzuk diren:- Idatzizko probak (test motakoak edo garatu beharreko galderak), bereziki saio magistraletan eta gelako saio praktikoetan garatutako gaiei buruzko ezagutzak bereganatu diren egiaztatzera zuzenduta. - Laborategiko saio praktikoetan jasotako ikaskuntzei buruzko laborategiko azterketa praktikoak.- Batez ere mintegietan eta saio magistraletan jorratutako gai batzuei buruzko idatzizko txostenak.- Ikasleei ikasgaiaren eduki orokorrari buruz bereganatutako ideiak laburtu eta argitzeko duten gaitasuna azaltzea ahalbidetzen dieten aurkezpenak.Ikasgai bakoitzaren berariazko ezaugarrien arabera, ikasketa planean zehaztuta dago bakoitzaren ebaluazio prozedurak eta pisua.