Metodologia

Masterraren prestakuntzak 60 kreditu ditu, irakaskuntza aldian (30 kreditu) eta ikerketa aldian (30 kreditu) banatuta. Ikasleak, gainera, beste 4 ikasgai aukeratu behar ditu UPV/EHUn edo Kantabriako Unibertsitatean emandako hautazko 14 ikasgaietatik. Zatiko arduraldia ere posible da, ez dagoelako gutxieneko kreditu edo matrikulazio ikastarorik.Master honetan erabilitako irakaskuntza metodologia arazoak ebaztera zuzenduta dago eta funtsean parte-hartzezko izaera du. Ondorengo irakaskuntza metodologiak aurreikusten dira: 1) Kontzeptuzko edukiei buruzko adituen azalpenak 2) Kasu praktikoak 3) Azterlan bibliografiko zuzenduak 4) Aurkeztutako teknikak eta prozedurak praktikan jarri eta aplikatzea 5) Ikasleen banakako ariketak eta talde jarduerak txandakatzen dira 6) Kredituen %50 (bigarren lauhileko osoa) egiaztatutako esperientziadun tutore baten zuzendaritzapeko banakako ikerketa proiektu bat garatuz bereganatzen dira. GAUR (unibertsitatearen ikasketen kudeaketa programa) kontsultatu beharko dute ikasleek ikasgai bakoitzaren irakasleen tutoretza ordutegiak jakiteko.

Ebaluazioa

Ikasleen ebaluazioa modu sistematiko eta jarraituan egiten da modulu bakoitzean. Ondorengo metodoren baten edo bat baino gehiagoren arabera ebaluatzen dira ikasleak 1) Parte-hartze aktiboa saio eta mintegietan 2) Ikasgelan eta bertatik kanpo ariketak praktikoak egitea 3) Idatzizko lanak aurketea 4) Azterketak. "Ikerketa lanak" ikasgairako: egindako ikerketa lanaren amaierako memoria, ahozko aurkezpena, tutorearen txostena.