Metodologia

Masterraren helburu nagusia da, eraikitako ondarearen zaharberritze proiektu integralen garapenean ikerketa eta berrikuntza bideratzeko eta bere ingurunean balioa nabarmentzeko gai izango diren profesionalak prestatzea. Diziplina anitzeko prestakuntzaren bitartez lortuko da gaikuntza, sektoreko enpresa, ikasketa mundu eta, oro har, gizartearentzako berrikuntza aukerak identifikatu eta garatzera zuzendutako gaitasunak bereganatzea ahalbidetuz. Masterrak, aldi berean, honako helburu hauek ere baditu: berrikuntzara zuzendutako jokabideak garatzea, ingurune aldakorren baitan erabaki egokiak hartzea eta ikerketa prozesuak eta lantaldeen kudeaketa zuzentzeko gaitzea. Hori guztia oinarrizko eskubideak errespetatuz eta gizonen eta emakumeen arteko aukera berdintasunaren arabera, ezgaitasuna duten pertsonen aukera berdintasunaren printzipioa eta irisgarritasuna betez, aurrerapenera, garapen iraunkorrera, gizarte erantzukizunera eta balio demokratikoetara zuzendutako kultura sortuz.Masterra, etorkizunean esparru publiko (Administrazioa) edo pribatuko diziplina anitzeko taldeetako kide izan ahalko diren mota askotako (Arkitektoak, Fisikoak, Ingeniariak, Kimikariak, Historialariak, Ekonomialariak, etab.) lizentziadunak ikerketa arloan prestatzera zuzenduta dago. Beraz, prestakuntza desberdina duten profesionalek Ondarearen kontserbazioari dakarkioten sinergia baliatzeko beharrari ekingo dio prestakuntza honek.Laugarrenez, eta azkenik, ikasleek beraien lanak eta iritziak modu egokian aurkez ditzatela lortu nahi da eta baita ikerketa lanak egin eta idaztea. Gai asko ikasleek egiazko kasuak hartuta egiten dituzten lanak eta azalpenak ebaluatuko dira.

Ebaluazioa

Masterrean eskainitako Ikasgai guztien irakaskuntza eta ebaluazioa, Master Amaierako lana barne hartuta, erabat praktikoa da. Egiazko kasu praktikoen azterketarekin harremanetan egongo da ikaslea uneoro. Diziplina anitzeko esparru batean lan praktikoak eginez ebaluatuko da ikasleen ezagutzaren aurrera egitea. Masterraren Ikasketa Batzordeak ondorengoak bezalako Master Amaierako Lanak egitea baimendu ahalko du: banakako lan praktiko zehatza, garrantzi handiko kasu zehatz baten inguruko talde lana, egiten ari diren jarduketen inguruko lan zehatzak eta behar bezala justifikatutako beste batzuk. EdonEdonola ere, ikasleak Eraikitako Ondarearen Zaharberritze eta Kudeaketa Integraleko Masterraren Gaitasun guztiak bereganatzen dituela bermatuko da.