nireEHU TITULUAREN GAKOAK
Unibertsitate espezializazio titulu hau negozio berritzaile baten proiektu bat lideratu eta kudeatu nahi duten ekintzaileentzat eta enpresa finkatuetan zuzendaritza postuak izan nahi dituzten profesionalentzat dago pentsatuta. Enpresaren kudeaketarekin eta zuzendaritzarekin lotutako gaitasunak eskuratuko dituzu: antolakuntza eta zuzendaritza gaitasunak (lidergoa, negoziazioa eta gizarte erantzukizuna) pertsonen kudeaketa, finantza eta kontabilitate zuzendaritza, marketin eta komunikazio zuzendaritza eta industria eta logistika zuzendaritza.
Profesional onenen hitzaldiak entzun ahal izango dituzu, eta bertatik bertara ezagutu ahal izango dituzu benetako enpresen esperientziak. Horrez gain, zure inguruneko gakoak ulertuko dituzu, eta, hala, zure garapen profesionala zure beharretara egokitu ahal izango duzu.