Galdetegiaren menu zabalgarrian “talde-salbuespenak” eta “erabiltzaile salbuespenak” aukerak aurkitzen dira. Hauei esker talde (1) edo erabiltzaile jakin bat(zue)i erabiltzaileen gehiengoari ezarritako denbora murrizketak aldatu ahal izatea baimentzen da.

Ondorengo irudian “gehitu talde-salbuespena”(1) aukera ikus daiteke. Beharrezkoa da aurretik ikastaroan taldeak zehaztu izana. Eskuliburuan “Talde eta taldekatzeak” buruzko atala ikusi.

Irudi honetan salbuespenak ezartzeko formularioa ikus daiteke. “Salbuetsitako taldea”(1) eremuan zein talderi salbuespena ezarriko zaion zehazteko aukera ematen da. “Eskatu pasahitza” (2) eremuak talde jakin horri pasahitza ezartzea ahalbidetzen du. Lauki gorriaren baitan ikus daitezke zeintzuk diren moldatu daitezkeen denbora murrizketa orokorrak.

Salbuespena ezarri ostean, ondorengo zerrendan azalduko da.

Salbuespen berdinak ezar dakizkioke erabiltzaile jakin batzuei ere.

Ohar edo abisu bat azaltzen da salbuespena aplikatu nahi zaion ikasleak galdetegira sartzerik ez duenean.

Arrazoiak ondokoak izan daitezke:

• Galdetegira sarbidea talde bateko partaide izatera baldintzatuta dagoenean, eta ikasle hau talde horretako kide ez denean
• Galdetegia ikasleentzat ezkutatuta dagoenean.