nireEHU Mugikortasuna eta egonaldiak
Programa honek biziki bultzatzen du bere doktoregaien nazioarteko mugikortasuna, bai nazioarteko aipamena duten tesiak (gutxienez hiru hilabeteko ikerketa egonaldia atzerriko unibertsitateren batean), bai tutorekidetza bidezko tesiak (aldi berean atzerriko beste unibertsitate batean zuzendu eta aurkeztua) egiteko. Hori dela eta, Erasmus+ hitzarmenak adostu dira hainbat unibertsitaterekin: Florentziako Unibertsitatea, Erromako Unibertsitatea III, Paueko eta Aturriko Herrialdeetako Unibertsitatea eta Rostockeko Unibertsitatea (Alemania). Horiez gain, tutorekidetza hitzarmenak ere egin dira honako hauekin: Erromako Sapienza Unibertsitatea, Bordeleko Unibertsitatea eta Toulouse-Jean Jaurès Unibertsitatea.