Nanoegituren Fisika eta Material Aurreratuak Doktoregoa

Nanoegituren Fisika eta Materialak aurreratuak (PNAM) doktorego programa bat da, guztiz diziplina artekoa, eta batez ere Materia Kondentsatuaren Fisikarekin eta Fisika Aplikatuarekin dago erlazionatuta, baita Materialen Zientziarekin ere. Azpimarratzekoa da Nanozientziarekin duen erlazioa. Doktorego programa egokia da arlo hauetan titulazio bat duten ikasleentzat: Fisika, Kimika edota Materialen Zientzia/Ingeniaritza.

Doktorego programa honek tresna batzuk eskainiko dizkio ikasleari ikerlan bat garatzeko nazioarteko ingurunean, oso ingurune kualifikatuan.

Doktorego programa Universidad del País Vasco/Euskal Herriko Unibertsitateko (UPV/EHU) Materialen Fisika eta Fisika Aplikatua sailek antolatuta dago, elkarlan estuan Materialen Fisika ikergunearekin, UPV/EHUren eta Ikerketa Zientifikoen Goi Kontseiluaren (CSIC) arteko ikergune mistoarekin. Bestalde, programan oso modu trinkoan hartzen dute parte Cooperativa CIC nanoGUNE Ikerguneak eta Donostia International Physics Center-ek (DIPC), goi mailako bi ikergunek.