Ikerketa Biomedikoa Doktoregoa

Ikerketa Biomedikoa doktorego programak UPV/EHUren Fisiologia eta Biologia Zelularra eta Histologia sailek 2010/11 ikasturtetik eskaintzen zuten izen bereko programan du jatorria. Helburutzat du ikerketa biomedikoaren esparruan ezaguerak sortzea eta kalitatezko zientzia egiteko, ikerketa biomedikoa sustatzeko eta ezaguerak gizarteari helarazteko, gizarteak aprobetxa ditzan, gai izango diren espezialistak prestatzea.

3 ikertaldek osatzen dute eta programaren ildo hauek lantzen dituzte:

1. METABOLISMO LIPIDIKOA ETA ERRADIKAL ASKEAK FISIOPATOLOGIAN

Jardueraren ardatza lipidoek eta erradikal askeek prozesu fisiologikoetan eta giza patologietan (birsortze hepatikoa, esteatosi hepatiko ez-alkoholikoa, minbizia eta antzutasuna) betetzen duten funtzioa da. Hurbilketak erabiltzen dituzte, hala nola lipidomika eta gaixotasunarekin erlazionatutako oxidazio estresaren biomarkagailuak.

2. GARAPENAREN BIOLOGIA, EHUNEN BIRSORTZEA/KONPONTZEA, MINBIZIA ETA ANIZTASUN GENETIKOA

Mekanismo molekularrak eta zelularrak ikertzen ditu diferentziazio prozesuetan eta apoptosian eta zelula ama germinalen, enbrionarioen eta kartzinomaren migrazioan eta inbasioan. Ehunen birsortze/konpontze prozesuaren modulazio estrategiak, organo-genesia eta enbrioi garapenaren aldaketak, garuneko kalteak prebenitzeko estrategia neurobabesleen eraginkortasuna eta giza antzutasuna aztertzen ditu, eta horretarako, antzutasuna aztertzeko animalia ereduak erabiltzen ditu. Era berean, giza dibertsitate genetikoa ikertzen du, ezaugarri konplexu batzuei dagokienez.

3. UGALKETAREN FISIOLOGIA, GARAPENA, ZAHARTZEA ETA MINBIZIA ETA BIHOTZEO ELEKTROFISIOLOGIA

Fisiologiaren barruan kokatzen dira garatzen diren ildoak: ugalkortasunaren ikerketa, tumore biologia, garuneko neurotransmisioa eta neuromodulazioa, bizi ohiturek (dietak eta ariketa egiteak) zahartzean duten eragina eta bihotzeko potasio kanalen erregulazioa.