Gazte Solidarioentzako Etxebizitza Programa
Bizkaiko Campuseko Errektoreordetzak, Bilboko Udal Etxebizitzak erakundearekin eta Ermuko eta Santurtziko udalekin batera, abian jarri du errenta merkeko etxebizitzen eskaintza bat 35 urtetik beherako ikasleentzat. Horren truke, ikasleek parte hartzen dute barrideen bizitza hobetzeko lanean Bilboko Otxarkoaga eta Bilbo Zaharra auzoetan, Santurtziko Mendialde auzoan eta Ermuko San Lorentzo auzoan.
Peñascal Kooperatibarekin sinatutako akordioak egoera zaurgarrienean dauden pertsonak bizi diren pisuetan logelak alokatzeko aukera ematen du, eta zuen laguntzari esker, egoera horretatik ateratzen lagun diezaiokezue. Pisuak Otxakoarga, Txurdinaga eta Zurbaran auzoetan daude.
Bilboko Udal Etxebizitxen plazak UPV/EHUko graduondoko (master edo doktoregoko) ikasleen artean banatzen dira. Ermuan eta Santurtzin eta Peñascal Kooperatiban, berriz, UPV/EHUko graduetako bigarren mailakoei edo gorakoei ere eskaintzen zaizkie.
Baldintzak betetzen badituzu eta programa honetan parte hartu nahi baduzu, irakurri informazio hau. Udalerri batean baino gehiagotan egin dezakezu eskaria.