nireEHU Biokimikak eta Biologia Molekularrak aztertzen eta konpontzen dituzten arazoek gure bizi kalitateari eragiten diote zuzenean, hainbat arlotan, hala nola osasunean, elikaduran eta ingurumenean. Horrez gain, farmako berriak eta askotariko arlotan produktuak eta zerbitzuak garatzeko aplikatzen dira.
Ikerketa biomedikoei esker, aurrerapenak eman dira gaixotasun askoren tratamenduan, eta hobeto ezagutzen da giza genoma. Etengabe eboluzionatzen ari den arlo bat da, eta askotariko aukerak eskaintzen ditu, bai gaur egun bai etorkizunari begira.
Biokimikako eta Biologia Molekularreko Graduak gaitasuna emango dizu molekulen mailako prozesu biologikoei buruzko jakintza ulertzeko, sortzeko eta transmititzeko, jakintza hori ikerketetan eta beste arlo batzuetan aplikatzeari begira.
Kanpoko borondatezko praktikak egin ahal izango dituzu, zure prestakuntza osatzeko eta eskuratutako jakintzak aplikatzeko.
Horrez gainera, ikasturte bat gehiago eginez gero, Bioteknologiako Graduko titulua lortu ahal izango duzu.
Ezagutza arloa
Zientziak
Ikastegia
Zientzia eta Teknologia Fakultatea
Campusa
Bizkaia
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
18,85 €
Gutxieneko nota
12,985 ohiko deialdian (2023/24)
Eskainitako plazak
40 plaza
4 arrazoi gradu hau aukeratzeko
- Irakasleen bikaintasuna, etengabe parte hartzen baitute irakaskuntzarako metodologia berrietarako prestakuntzan eta ikerketa proiektuetan.
- Fakultateak kalitatezko titulazio zientifikoak eskaintzen ditu, jakintza arlo ezberdinetako irakasleen parte hartzeaz.
- GRALa aintzatespen nazional eta nazioarteko ikertaldeetan egin ahal izango duzu.
- Jada graduatutako ikasleen goi kualifikazioa, jardun profesionalean aritzeko.
Sarrera-profila
Ikerketa zientifikoak motibatzen bazaitu, laborategiko lana atsegin baduzu, pentsamendu analitikorako eta sormenerako gaitasuna duen pertsona behatzailea eta pazientziaduna bazara, ezagutza zientifikoak eta teknikoak, eta matematika, fisika, biologia eta kimika bezalako oinarrizko gaiei buruzko nozioak badituzu, Biokimikako eta Biologia Molekularreko Gradua ezin hobea da zuretzat.
Irteera profesionalak
Lan egiteko aukera izango duzu arlo hauetan:
- Biozientzietako oinarrizko ikerketa eta ikerketa aplikatua, ikerketa eta garapen unibertsitate eta institutuetan, eta sektoreko enpresetan (I+G+B)
- Ikerketa biomedikoa eta diagnostiko klinikoa; analisi klinikoak egitea eta interpretatzea bere arlo guztietan (kimika analitikoa, hematologia, mikrobiologia, immunologia eta zitologia), ospitaletan, kliniketan, eta teknologia eta ikerketa zentrotan
- Azterketa genetikoak, nutrizionalak, farmakologikoak, ingurumenekoak, forentseak edo toxikologikoak, analisi bromatologikoak, eta produktu berrien garapena nekazaritza eta elikagaien industrian, eta bioteknologia eta farmazia industrian
- Irakaskuntza
- Zientzia-dibulgazioa
- Aholkularitza teknikoa (administrazio eta kudeaketa espezializatua, toxikologia eta ingurumen aditu txostenak) eta zientifikoa, enpresa farmazeutikoetan eta bioinformatikoetan (medical sciencific advisor)