nireEHU Ingeniaritza Mekanikoaren xede nagusia da makinak, motorrak, mekanismoak eta sistema mekanikoak diseinatzea; beraz, lotura handia du industria alorreko berrikuntzarekin. Proiektu teknikoak planteatu, landu, zuzendu, exekutatu eta ustiatzeaz arduratzen da industria ingeniaritzaren arloan, oro har, eta ingeniaritza mekanikoarenean, bereziki.
Ingeniaritza Mekanikoko Graduak gaitasuna emango dizu industria ingeniaritza teknikoan aritzeko, mekanikako espezialitatean. Izan ere, espezialitate hori arduratzen da makina eta gailu mekanikoak, industria egiturak eta instalazioak, diseinatu, aztertu, eraiki, instalatu eta funtzionamenduan jartzeaz, hala nola jasotze eta garraio makinak, makina erreminta, energia instalazioak, hozte instalazioak, etab. Gainera, gaitasuna emango dizu ere ekoizpen, operazio eta mantentze-lanak antolatu eta zuzentzeko.
UPV/EHU 250 enpresarekin baino gehiagorekin ari da lankidetzan, zure prestakuntza erabatekoa izan dadin lagunduko dizuten borondatezko praktikak egiteko.
Halaber, aukera dago titulazio bikoitz bat lortzeko Txileko unibertsitate hauekin: Universidad Técnica Federico Santa María eta Universidad Santiago de Chile (USACH).
Ezagutza arloa
Ingeniaritza eta Arkitektura
Ikastegia
Vitoria-Gasteizko Ingeniaritza Eskola
Campusa
Araba
Harremanetarako
subdir.oacademica.ei-vi@ehu.eus
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
18,23 €
Gutxieneko nota
6,274 ohiko deialdian (2023/24)
Eskainitako plazak
70 plaza
4 arrazoi gradu hau aukeratzeko
- Makinak muntatu eta desmuntatu edo zeureak diseinatzea gustatzen bazaizu, gozatuko dituzu graduko ikastaro guztiak.
- Gertutik ezagutuko dituzu ibilgailuak, aerosorgailuak, aeronautika, trenak eta abar fabrikatzeko prozesu industrialak.
- Praktikak sektoreko enpresetan egin ahal izango dituzu. 250 entitate baino gehiagorekin dugu hitzarmena.
- Graduko atal bat Europa, Latinoamerika, AEB, Australia, Errusia eta beste herrialde batzuetako unibertsitateetan ikas dezakezu.
Sarrera-profila
Pertsona sortzailea eta zenbakiekin trebea bazara, ulermen abstraktua, arrazonamendu logikoa eta trebezia deduktiboa badituzu eta matematika, fisika, kimika eta adierazpen grafikoa bezalako oinarrizko gaietarako erraztasuna baduzu, Ingeniaritza Mekanikoko Graduan dago zure lekua.
Irteera profesionalak
Lana egiteko aukera izango duzu arlo hauetan:
- Automobilgintza, aeronautika, energia, makina erreminta, kimika, ingurumena, industria produktuen fabrikazioa, energia berriztagarriak…
- Logistikako eta mantenimenduko enpresak.
- Proiektuen ingeniaritzako enpresak.
- Teknologia zentroak edo I+G+B departamentuak
- Merkaturatze, antolakuntza eta plangintza departamentuak.
Baita irakaskuntzan eta administrazio publikoen arloan ere.