Euskaraldia 2022

2022ko euskaraldia: Hitzez ekiteko garaia

2022ko azaroaren 18tik abenduaren 2ra

Euskara ulertzen duten hiztunen arteko ahozko hizkuntza-ohiturak aldatzeko ariketa soziala da Euskaraldia, gizartearen gune guztietara zabaldua eta denborari dagokionez mugatua.

Helburu nagusien artean daude:

Hizkuntza-ohituren inertziak astindu eta herritarrek euskara gehiago erabiltzeko urratsak ematea.
Era guztietako entitateek, euskaraz bizitzea ahalbidetuko dute neurriak hartzea eta oztopo diren egoerak arintzea eta bideratzea.

Aurtengo edizioan entitateen parte hartze aktiboan jarri da azpimarra, eta hauek dira helburu nagusiak:

Euskaraldian parte hartzen duten norbanako eta entitateek euskarazko praktikak hedatzeko urrats berriak ematea.
Parte hartzea hedatzea: ahobizi, belarriprest, eta arigune gehiago izatea. Batez ere ariguneak direlarik gakoa, entitateetan ariketa modu kolektiboan egiteaz gain, herritar multzo berrietara heltzeko eraginkorrak direlako.

UPV/EHU aurtengoan lehenengo aldiz, Euskaraldian entitate parte hartzaile da, eta bere URL propioa dauka. Helbide horretatik Euskaraldian izena eman daiteke, bai lehenengo aldiz egiten bada, edo eta, izen-ematea berresten bada ere.

UPV/EHUn aurtengo Euskaraldirako 87 arigune osatu dira, hauetatik 7 berriak dira, eta gainontzekoak aurreko Euskaraldian osatutakoak dira, errepikatzen dutenak.

Euskaraldiaren baitan UPV/EHUn zenbait ekimen burutuko dira, eta gune honetan jasoko dugu ekimenen egitaraua. Halaber, Euskaraldiatik jasotako informazioa UPV/EHUko komunitateari helaraziko diegu gune honen bidez.

Izena ematea

Izena emateko orria
Prozesuaren azalpena (pdf, 918 Kb)

Euskaraldiko informazioa

Txapak: Euskaraldian izena eman duten guztiei, e-mail bidez jakinaraziko zaie txapa non jaso ahalko duten, bakoitzak bere herrian izango du aukera.
Prestakuntza eta euskarriak (pdf, 597 Kb)